05: Наследување

Во Python, наследувањето е важен аспект од објектно-ориентираното програмирање. При наследување, една класа наследува својства и методи од друга класа. Класата која се наследува се нарекува класа родител (parent class) или супер класа, додека класата која ја наследува се нарекува поткласа или дете класа (child class).

Преку наследувањето, поткласата може да наследи методи и атрибути од родителската класа, што значи дека ја наследува целокупната функционалност на родителската класа без потребата за повторно пишување на истиот код. Ова овозможува повторна употреба на код и организација на програмскиот код во хиерархија од класи.

Кога се користи наследувањето, поткласата може да додаде нови методи или да ги промени постоечките методи од родителската класа, адаптирано според специфичните потреби на поткласата. Овој процес се нарекува препишување на методи (method overriding).